林日曦X梁祖堯癲喪喜劇《大反枱日》: 2026年1月開演

贊助商連結

林日曦繼《大辭職日》、《大MK日》、《大初戀日》及《大離婚日》後，延續「大XX日」系列傳統，宣布推出年度癲喪喜劇《大反枱日》。今次更邀得「舞台劇帝」梁祖堯（阿祖）參演，二人首次合作即反枱反櫈反埋蓆，誓要於香港演藝學院歌劇院反出巨型舞台劇。林日曦X梁祖堯《大反枱日》，2026年1月23起一連21場演出，門票即日起於Cityline 公開發售！(首21場已爆滿，宣佈加開15場，共36場)

「反枱」創作意念

林日曦前年曾於日本參加世界反枱大賽，當時飲恨只得「梗頸四」，但反而激發創作靈感，助他寫起《大反枱日》的劇本，

贊助商連結

他笑指：「喺日本參加完世界反枱大賽之後萌生呢個念頭，雖然我只係攞到第四名，畀三個日本人贏咗，不過佢哋只係個記錄遠過我，但係氣勢麻麻哋。我覺得香港人先係全世界最適合反枱嘅人，隨街都見到啲人鬧交反面，大家都好好火。」至於今次為何「挑機」邀請梁祖堯？林日曦語帶調侃：「因為覺得佢紅，想叨佢光，同埋偷佢fans⋯⋯」

梁祖堯首次合作的感受

梁祖堯直言，幾乎所有林日曦的作品都睇過，無論是「大XX日」系列還是Talk Show，其中尤以《林日曦細聲講悲但真》最令他難忘。他興奮表示：「一直都好想同佢合作，唔係客套說話，係真心嘅。人生去到呢個階段，好想同多啲自己欣賞嘅人合作，睇下擦到啲咩火花出嚟，又可以刺激創作，開闊眼界，所以收到邀請嗰刻，真係好驚喜，好開心！」

雖然初次合作，但阿祖已從白只、韋羅莎、胡麗英等好友口中聽過不少林日曦的事跡：「佢哋成日話佢要求高，但同時不停強調佢其實係冇嘢嘅，係好人嚟，唔好驚佢，反而搞到我有少少淆底——因為當身邊朋友好大力咁講佢係好人，我就會諗，如果真係好人，其實大家唔使咁用力解釋，好似有啲暗湧，所以開頭我都驚驚哋。」