飛叔療癒

【癒專欄】飛叔療癒丨安心吃個芒果糯米飯

贊助商連結

作者: 飛叔Kelvin

贊助商連結

柬埔寨緬甸詐騙的事件早前猖獗得很，連帶週遭的國家包括好多香港人的「家鄉」泰國都被人話有危險，叫人暫時避免前去!

泰國真是我心目的另一個家鄉，尤其是曼谷，雖然未至於年年去一轉，但都去過好多次，試過在曼谷逗留最長十幾日，最短只留一晚，而對上一次到訪已經是四年前的事，好像隔了成個世紀似的，實在非常掛念。

香港Bamboo Thai的芒果糯米飯

掛住的泰國美食好多，芒果糯米飯是三甲之內，雖然香港都食到高質的芒果糯米飯，但硬係爭少少，就是爭一份地道風味，當地菜始終是當地吃才是最好的。

泰國曼谷餐廳Ban Khun Mae Restaurant 的芒果糯米飯

如果要選泰國的Comfort food，芒果糯米飯一定上榜，在那邊無論酒店、高級餐館或街邊都吃到這款經典美食，高級餐館的芒果糯米飯固然好在擺放得細緻美觀，但欠了人情味，在泰國大多數時間都寧願在街邊或小餐館吃。記得有一次在曼谷旅遊時遇上當地示威遊行，不方便外出，在酒店內都同樣點了芒果糯米飯。

幾年前去曼谷旅行，參加過一堂泰菜烹飪課，在四小時內學煮五道菜。話就話是自己煮，實際上大部份食材都已經切好，只是倒進鍋子裡炒一陣，懶型地拍幾張相片，就當全部自己煮。

作者在泰國Cooking class吃的芒果糯米飯

其中一道就是「芒果糯米飯」，原來傳統的烹煮過程要幾個鐘，糯米又要預先隔晚浸水，我們這些學員只能係咁易學下搓糯米、倒椰漿等步驟，最後吃導師一早煮好的成品。

正宗泰國風味的芒果糯米飯是極之甜，我雖喜愛但每次都不會吃太多，但每次去到泰國又自然想吃，如果未吃一口芒果糯米飯就好像不是去緊泰國似的，這種感覺實在久違了，唔知幾時可以再回鄉呢，希望不用再等太耐就可以好安心又安全地去玩啦!

飛叔

香港飲食生活作家/資深Blogger Kelvin Leung「飛叔」，曾推出著作《吃破世情》。

如你喜歡此文章，請分享至:

發表迴響