Mind and Spirit，我佛磁BASS

從佛學看《世外 》: 為何不成為人鬼？

贊助商連結

本文作者從佛學角度看電影《世外》，因果輪迴之外，還有善惡討論，為何不可成為人鬼!

作者: 我佛磁BASS

贊助商連結

打破同溫層之後，慢慢見到有一班人睇到好嬲!

面對社會不公平，點解要繼續承認剝削？

主角群滿口仁義道德、但係面對弱勢唔幫手，仲要劈嗰啲為民除害嘅人鬼!

輕輕分享吓佛學嘅世界觀

「對與錯」係世間處事嘅方法，而「因果」就係輪迴同自然嘅法則，每個人嘅念頭同埋行為，都會產生大大小小嘅因果，而同處於呢個宇宙嘅我哋，互相交織住千千萬萬個數不清嘅因果，「不可思，不可議，只能繼續走落去」

我哋唔能夠明白點解小妹要面對咁悲慘嘅事，碎片化地連載住慘絕人寰嘅劇情，經歷不同方式嘅天災人禍。

而就算有同小鬼既承諾，每一生每一世，小妹都唔能夠認得「光明」，只係困住自己係「黑暗」嘅事情入邊。

呢個世間係我哋行為 + 意念所做嘅共同體

以惡去回應惡、就會係世間產生更加多嘅惡

就算你成為極惡嘅象徵，等候你嘅就係喪失理智、牽動世間更多惡念；

就算你有小鬼嘅能力可以回到過去，見到自己多生多世嘅宿命，但如果唔明白世界運行法則，都唔能夠理解同埋接受。

智慧並唔係隱惡揚善，而係適當時候做適當嘅事，因果會過去、鬱結會釋懷，同時慢慢明白因果，而生出智慧之花。

以善意去回應惡世，奮不顧身就算粉身碎骨，呢一世嘅意志都會由下一世去承擔。

不選擇以惡還惡，成為一點光去照亮黑暗，喺係亂世之中，最值得做嘅事。

作者: 我佛磁BASS Instagram: buddhabassist

如你喜歡此文章，請分享至:

發表迴響